Апрелĕн 25 – мĕшĕнче, пĕтĕм Чăваш çĕршывĕ чăваш чĕлхи куне уявлать. Çак кун чăваш çырулăхне йĕркеленĕ И.Я. Яковлев çуралнă. Уява хамăр республикăра кăна мар, аякра пурăнакан чăвашсем те чысласа хатĕрленеççĕ. 7-мĕш класра вĕренекенсем «Ачалăх географийĕ» серири «Чăваш ен ачисем» документлă фильм пăхрĕç. Ку фильма çамрăк журналистсем ÿкернĕ иккен. Фильмăн тĕп геройĕсем – ачасем. Вĕсем куракансене чăваш çĕршывĕпе, чăваш халăхĕн йăли-йĕркипе, хăйсен ĕмĕчĕсемпе паллаштараççĕ. Фильм тăван çĕршыва, тăван чĕлхене юратма, атте-аннене хисеплеме вĕрентет.